جاڭا وقۋ جىلى تەك جاڭا كىتاپتار مەن دارىستەر ەمەس — ستۋدەنتتەر ۇشىن قارجىلىق قولداۋ جاعىنان دا جاعىمدى جاڭالىقتار اكەلمەك. عىلىم جانە جوعارى بىلىم ۆيتسە-مينيسترى تالعات ەشەنقۇلوۆتىڭ ايتۋىنشا, 2024 جىلدىڭ 1 قىركۇيەگىنەن باستاپ قازاقستاندا شاكىرتاقى كولەمى ەداۋىر وسەدى, دەپ حابارلايدى Shalqar.kz.

ەندى ستۋدەنتتەر قانشا الادى?
 • باكالاۆريات ستۋدەنتتەرى – 52 372 تەڭگە
 • ماگيسترانتتار – 117 098 تەڭگە
 • دوكتورانتتار – 262 500 تەڭگە

بۇل – سوڭعى جىلدارداعى ەڭ اۋقىمدى وسىمدەردىڭ بىرى. ماسەلەن, باكالاۆر دەڭگەيىندەگى شاكىرتاقى 2020 جىلمەن سالىستىرعاندا ەكى ەسەگە ارتقان. ال ماگيستراتۋرا مەن دوكتورانتۋرا شاكىرتاقىسى – 1,75 ەسە وسكەن.

گرانت سانى دا كوبەيگەن
2024–2025 وقۋ جىلىنا مەملەكەت 93 116 بىلىم گرانتىن بولىپ وتىر. بۇل – 5 جىل بۇرىنعىمەن سالىستىرعاندا 1,4 ەسە كوپ.