2025 жылдың соңына қарай қазақстандықтар Еуропаға біршама оңай әрі ыңғайлы жететін болады – Астана мен Белград арасында тікелей әуе рейсі ашылмақ, деп хабарлайды Shalqar.kz.

Аталған шешім Қазақстан Президенті Қасым-Жомарт Тоқаевтың Сербияға ресми сапары аясында берілген тапсырма нәтижесінде қабылданды. Көлік вице-министрі Талғат Ластаев пен Сербияның құрылыс, көлік және инфрақұрылым министрі Александра Софрониевич келіссөздер жүргізіп, рейсті іске қосуға уағдаласты.

Жаңа бағыттың ерекшелігі:
 • Рейс 2025 жылдың соңына дейін ашылады
 • Ұшуларда «бесінші дәрежелі әуе еркіндігі» қолданылуы мүмкін – бұл транзит арқылы басқа елдерге де ұшуға мүмкіндік береді
 • Тікелей рейсті SCAT әуе компаниясы іске қосуы мүмкін

Келіссөздерге қазақстандық туристік компаниялар да қатысып, бұл бастаманың туризмді дамытуға үлкен серпін беретінін атап өтті.