Автор: ADMIN
استانادان بەلگرادقا تىكە ۇشۋ: قازاقستان مەن سەربييا اراسىنا جاڭا اۋە كوپىرى سالىنادى
2025 جىلدىڭ سوڭىنا قاراي قازاقستاندىقتار ەۋروپاعا بىرشاما وڭاي ارى ىڭعايلى جەتەتىن بولادى – استانا مەن بەلگراد اراسىندا تىكەلەي اۋە رەيسى اشىلماق, دەپ حابارلايدى Shalqar.kz.
اتالعان شەشىم قازاقستان پرەزيدەنتى قاسىم-جومارت توقاەۆتىڭ سەربيياعا رەسمي ساپارى اياسىندا بەرىلگەن تاپسىرما ناتيجەسىندە قابىلداندى. كولىك ۆيتسە-مينيسترى تالعات لاستاەۆ پەن سەربييانىڭ قۇرىلىس, كولىك جانە ينفراقۇرىلىم مينيسترى الەكساندرا سوفرونيەۆيچ كەلىسسوزدەر جۇرگىزىپ, رەيستى ىسكە قوسۋعا ۋاعدالاستى.
جاڭا باعىتتىڭ ەرەكشەلىگى:
• رەيس 2025 جىلدىڭ سوڭىنا دەيىن اشىلادى
• ۇشۋلاردا «بەسىنشى دارەجەلى اۋە ەركىندىگى» قولدانىلۋى مۇمكىن – بۇل ترانزيت ارقىلى باسقا ەلدەرگە دە ۇشۋعا مۇمكىندىك بەرەدى
• تىكەلەي رەيستى SCAT اۋە كومپانيياسى ىسكە قوسۋى مۇمكىن
كەلىسسوزدەرگە قازاقستاندىق تۋريستىك كومپانييالار دا قاتىسىپ, بۇل باستامانىڭ تۋريزمدى دامىتۋعا ۇلكەن سەرپىن بەرەتىنىن اتاپ وتتى.
Басқалармен бөлісе отырыңыз
Пікірлер
