АҚШ-та жүрген қазақстандықтарға жаңа мүмкіндік ұсынылды. Өз еркімен елге қайтқан азаматтарға АҚШ тарапы мың доллар өтемақы төлейді және жол шығынын өтейді. Бұл туралы Сыртқы істер министрінің орынбасары Әлібек Қуантыров мәлімдеді, деп хабарлайды Shalqar.kz.

– Тиісті ақпарат берілді, ол екі тарапта да жарияланды. АҚШ тарапы елде еркін жүруге қатысты өзгеріс жасады. Өз еркімен кететіндердің жолын төлейді. Жаңа бағдарлама бойынша мың доллар көлемінде өтемақы береді, – дейді Қуантыров Мәжіліс кулуарында.

Оның айтуынша, соңғы уақытта елге өз еркімен оралғандардың саны аз.

– Жақында 19 азамат өз еркімен келді. Бұл өте аз. Басқа елдермен салыстырғанда аз. Себебі біздің азаматтар ол аймақта заңды түрде жүр, – дейді вице-министр.