اقش-تا جۇرگەن قازاقستاندىقتارعا جاڭا مۇمكىندىك ۇسىنىلدى. وز ەركىمەن ەلگە قايتقان ازاماتتارعا اقش تاراپى مىڭ دوللار وتەماقى تولەيدى جانە جول شىعىنىن وتەيدى. بۇل تۋرالى سىرتقى ىستەر مينيسترىنىڭ ورىنباسارى الىبەك قۋانتىروۆ مالىمدەدى, دەپ حابارلايدى Shalqar.kz.

– تيىستى اقپارات بەرىلدى, ول ەكى تاراپتا دا جارييالاندى. اقش تاراپى ەلدە ەركىن جۇرۋگە قاتىستى وزگەرىس جاسادى. وز ەركىمەن كەتەتىندەردىڭ جولىن تولەيدى. جاڭا باعدارلاما بويىنشا مىڭ دوللار كولەمىندە وتەماقى بەرەدى, – دەيدى قۋانتىروۆ ماجىلىس كۋلۋارىندا.

ونىڭ ايتۋىنشا, سوڭعى ۋاقىتتا ەلگە وز ەركىمەن ورالعانداردىڭ سانى از.

– جاقىندا 19 ازامات وز ەركىمەن كەلدى. بۇل وتە از. باسقا ەلدەرمەن سالىستىرعاندا از. سەبەبى بىزدىڭ ازاماتتار ول ايماقتا زاڭدى تۇردە جۇر, – دەيدى ۆيتسە-مينيستر.