الماتىدا ەكولوگييانى جاقسارتۋ مەن زاماناۋي كولىك ينفراقۇرىلىمىن دامىتۋ باعىتىندا اۋقىمدى جوبا قولعا الىندى. جىل سوڭىنا دەيىن قالادا ەلەكتروموبيلьدەرگە ارنالعان 311 جاڭا زاريادتاۋ ستانتسيياسى ورناتىلماق. ولار حالىق كوپ شوعىرلاناتىن بازارلار, ساياباقتار, دامحانالار مەن وزگە دە قوعامدىق كەڭىستىكتەر اۋماعىندا قولجەتىمدى بولادى, دەپ حابارلايدى Shalqar.kz.

قالا اكىمدىگىنىڭ مالىمەتىنشە, ار ستانتسييا قۋاتى 60 كۆت جانە ودان جوعارى بولادى. جوبانى وتاندىق ينۆەستورلار جۇزەگە اسىرادى. ار نۇكتەدە ەكى پاركومەستكە ارنالعان قۋاتتاۋ قۇرىلعىسى ورنالاستىرىلادى, بۇل وز كەزەگىندە 622 جاڭا تۇراق ورنىنىڭ پايدا بولۋىنا مۇمكىندىك بەرەدى.

بىر نۇكتەگە سالىناتىن ورتاشا ينۆەستيتسييا كولەمى كەمىندە 10 ميلليون تەڭگەنى قۇرايدى. ال ەلەكتروموبيلьدى قۋاتتاۋدىڭ قۇنى – 1 كۆت ۇشىن 100 تەڭگەدەن اسپايدى.

بارلىق بەكەتتەر 2025 جىلدىڭ سوڭىنا دەيىن تولىق ىسكە قوسىلادى. قازىردىڭ وزىندە الماتىدا 300-دەن استام جەكە زاريادتاۋ بەكەتتەرى جۇمىس ىستەپ تۇر.

ۇلتتىق ستاتيستيكا بيۋروسىنىڭ دەرەگى بويىنشا, 2025 جىلدىڭ 1 ساۋىرىندەگى جاعدايعا سايكەس, الماتىدا 8 385 ەلەكتروموبيلь تىركەلگەن. بۇل – وتكەن جىلمەن سالىستىرعاندا 1,5 ەسە كوپ.