Almatıda ekologiyanı jaqsartu men zamanaui kölik infraqwrılımın damıtu bağıtında auqımdı joba qolğa alındı. Jıl soñına deyin qalada elektromobil'derge arnalğan 311 jaña zaryadtau stanciyası ornatılmaq. Olar halıq köp şoğırlanatın bazarlar, sayabaqtar, dämhanalar men özge de qoğamdıq keñistikter aumağında qoljetimdi boladı, dep habarlaydı Shalqar.kz.

Qala äkimdiginiñ mälimetinşe, är stanciya quatı 60 kVt jäne odan joğarı boladı. Jobanı otandıq investorlar jüzege asıradı. Är nüktede eki parkomestke arnalğan quattau qwrılğısı ornalastırıladı, bwl öz kezeginde 622 jaña twraq ornınıñ payda boluına mümkindik beredi.

Bir nüktege salınatın ortaşa investiciya kölemi keminde 10 million teñgeni qwraydı. Al elektromobil'di quattaudıñ qwnı – 1 kVt üşin 100 teñgeden aspaydı.

Barlıq beketter 2025 jıldıñ soñına deyin tolıq iske qosıladı. Qazirdiñ özinde Almatıda 300-den astam jeke zaryadtau beketteri jwmıs istep twr.

Wlttıq statistika byurosınıñ deregi boyınşa, 2025 jıldıñ 1 säuirindegi jağdayğa säykes, Almatıda 8 385 elektromobil' tirkelgen. Bwl – ötken jılmen salıstırğanda 1,5 ese köp.