NASA-ның Perseverance ровері Марстағы тылсым табиғат құбылысын кадрға түсіріп, ерекше селфи жасады. Бұл оқиға қызыл планетадағы зерттеулерге жаңаша серпін беріп отыр, деп хабарлайды Shalqar.kz Associated Press сілтеме жасап.

Суретте ровердің арт жағында шаңды құйын – марстық “торнадо” анық көрінеді. Бұл құбылыс аппараттан небәрі 5 шақырым жерде орын алған. NASA мәліметіне сүйенсек, бұл кадр ровердің робот қолындағы камерамен түсірілген 59 жеке суретті біріктіру арқылы алынған. Бүкіл процеске бір сағаттай уақыт кеткен.

– Артқы жақтағы шаңды дүлей бұл суретті ерекше ғана емес, оны классикалық туындыға айналдырады, – дейді суретті құрастырған Malin Space Science Systems компаниясының визуализация маманы Меган Ву.

Кадрда Perseverance бұрғылап жатқан соңғы жыныс үлгісі де көрініс тапқан. Бұл – ровердің Марстағы 1500-ші, ал Жер уақытымен 1541-ші күні.

Айта кетейік, қазір аппараттың беті қызыл шаңға толы – бұл ұзақ зерттеу жұмыстарының айғағы. 2020 жылы ұшырылған Perseverance қазіргі таңда Езеро кратерінде – ежелгі өзен арнасында зерттеу жүргізіп, болашақта Жерге жеткізілуі мүмкін үлгілерді жинауда.