Bilim salasındağı kütpegen şeşim: AQŞ-tıñ işki qauipsizdik ministrligi äygili Garvard universitetin şeteldik studentterdi qabıldau qwqığınan ayırdı. Endi älemdegi eñ bedeldi oqu orındarınıñ biri halıqaralıq studentterge esigin jauıp otır, dep habarlaydı Shalqar.kz.

Bwl şeşimge säykes, Garvard endi jaña şeteldik studentterdi qabılday almaydı, al qazir oqıp jatqan halıqaralıq studentter oquın basqa universitetke auıstıruı tiis. Äytpese, AQŞ-tağı legaldı märtebesinen ayırıluı mümkin.

Qazaqstandıqtar da bwl jağdaydan tıs qalmadı. Ğılım jäne joğarı bilim ministrliginiñ baspasöz hatşısı Oljas Berkinbaevtıñ mälimetinşe, qazirgi tañda “Bolaşaq” bağdarlaması arqılı Garvardta 7 qazaqstandıq bilim alıp jatır.

– Bizge Garvardqa baylanıstı köp saual kelip tüsude. Qazirgi uaqıtta biz tek “Bolaşaq” bağdarlamasına qatıstı aqparattı rastay alamız. Öz qarajatına nemese basqa bağdarlamalarmen oqıp jatqan azamattar turalı mälimet joq, – dep jazdı Berkinbaev Facebook paraqşasında.

Ayta keteyik, Garvardqa qatıstı dau 2024 jıldıñ säuirinde bastalğan. Universitet Donal'd Tramp äkimşiliginiñ talaptarın – bağdarlamalarğa audit jürgizu jäne studentter men oqıtuşılardıñ közqarasın baqılau – orındaudan bas tartqan. Osıdan keyin universitet 2,2 mlrd dollarlıq federaldı granttan ayırıldı.