Астана көшелерінде жақында болашақтың көлігі жүруі мүмкін. Қытайдың Таншань қаласынан елордаға арналған LRT вагондарының алғашқы легі жолға шықты. Бұл – көптен күткен жобаның нақты іске аса бастағанының белгісі, деп хабарлайды Shalqar.kz CTS компаниясының баспасөз қызметіне сілтеме жасап.

City Transportation Systems компаниясының мәліметінше, әрқайсысы 650 жолаушыға дейін тасымалдай алатын, жүргізушісіз басқарылатын заманауи пойыздардың алғашқы екі данасы 2025 жылдың маусымында Астанаға жетеді. Барлығы 19 жылжымалы құрам шығарылады, олардың қалған 17-сі жыл соңына дейін жеткізіледі.

Құрылыс жұмыстары қарқынмен жалғасып жатыр: жол төселіп, станция қасбеттері орнатылып, эстакадалар сәнделуде. Желтоқсанға дейін толық аяқталып, алғашқы сынақтар қыркүйекте басталады деп күтілуде.