استانا كوشەلەرىندە جاقىندا بولاشاقتىڭ كولىگى جۇرۋى مۇمكىن. قىتايدىڭ تانشانь قالاسىنان ەلورداعا ارنالعان LRT ۆاگوندارىنىڭ العاشقى لەگى جولعا شىقتى. بۇل – كوپتەن كۇتكەن جوبانىڭ ناقتى ىسكە اسا باستاعانىنىڭ بەلگىسى, دەپ حابارلايدى Shalqar.kz CTS كومپانيياسىنىڭ باسپاسوز قىزمەتىنە سىلتەمە جاساپ.

City Transportation Systems كومپانيياسىنىڭ مالىمەتىنشە, ارقايسىسى 650 جولاۋشىعا دەيىن تاسىمالداي الاتىن, جۇرگىزۋشىسىز باسقارىلاتىن زاماناۋي پويىزداردىڭ العاشقى ەكى داناسى 2025 جىلدىڭ ماۋسىمىندا استاناعا جەتەدى. بارلىعى 19 جىلجىمالى قۇرام شىعارىلادى, ولاردىڭ قالعان 17-سى جىل سوڭىنا دەيىن جەتكىزىلەدى.

قۇرىلىس جۇمىستارى قارقىنمەن جالعاسىپ جاتىر: جول توسەلىپ, ستانتسييا قاسبەتتەرى ورناتىلىپ, ەستاكادالار ساندەلۋدە. جەلتوقسانعا دەيىن تولىق اياقتالىپ, العاشقى سىناقتار قىركۇيەكتە باستالادى دەپ كۇتىلۋدە.