Өмір мен өлім арасындағы сәтте еш ойланбастан көмекке ұмтылған жас батыр ел назарында. Өскеменде бес жасар баланы судан аман алып шыққан студент Ерасыл Омарханов Төтенше жағдайлар министрлігінің арнайы медалімен марапатталды, деп хабарлайды Shalqar.kz  ведомствоға сілтеме жасап.

Қазақстан-Америка Еркін университетінің 2-курс студенті Ерасыл Омархановқа “Суға батқандарды құтқарғаны үшін” медалін ШҚО ТЖД бастығы Рашид Белялов салтанатты түрде табыс етті.

– Көрсеткен ерлігіңіз – нағыз азаматтық пен адамгершіліктің айқын көрінісі. Сіздің батылдығыңыз – өскелең ұрпаққа үлгі. Мұндай батырлардың біздің өңірде барына қуаныштымыз, – деді Белялов марапаттау кезінде.