ومىر مەن ولىم اراسىنداعى ساتتە ەش ويلانباستان كومەككە ۇمتىلعان جاس باتىر ەل نازارىندا. وسكەمەندە بەس جاسار بالانى سۋدان امان الىپ شىققان ستۋدەنت ەراسىل ومارحانوۆ توتەنشە جاعدايلار مينيسترلىگىنىڭ ارنايى مەدالىمەن ماراپاتتالدى, دەپ حابارلايدى Shalqar.kz  ۆەدومستۆوعا سىلتەمە جاساپ.

قازاقستان-امەريكا ەركىن ۋنيۆەرسيتەتىنىڭ 2-كۋرس ستۋدەنتى ەراسىل ومارحانوۆقا “سۋعا باتقانداردى قۇتقارعانى ۇشىن” مەدالىن شقو تجد باستىعى راشيد بەليالوۆ سالتاناتتى تۇردە تابىس ەتتى.

– كورسەتكەن ەرلىگىڭىز – ناعىز ازاماتتىق پەن ادامگەرشىلىكتىڭ ايقىن كورىنىسى. سىزدىڭ باتىلدىعىڭىز – وسكەلەڭ ۇرپاققا ۇلگى. مۇنداي باتىرلاردىڭ بىزدىڭ وڭىردە بارىنا قۋانىشتىمىز, – دەدى بەليالوۆ ماراپاتتاۋ كەزىندە.