Elimizdiñ eñ üzdik bilim oşaqtarı belgili boldı. 2024–2025 oqu jılınıñ qorıtındısı boyınşa Qazaqstannıñ 100 üzdik mektebi anıqtaldı, dep habarlaydı Shalqar.kz.

Bwl tizimdi QR Oqu-ağartu ministrliginiñ Bilim salasında sapanı qamtamasız etu komiteti jan-jaqtı taldau negizinde jasap şığardı. Mektepterdiñ reytingi bilim sapasın sırttay bağalau, PISA zertteulerine qatısu deñgeyi, oquşılar jetistigi, mwğalimderdiñ biliktiligi, inklyuzivti bilim beru, ğılımi jäne äleumettik jobalardağı belsendilik, tärbie jwmısınıñ tiimdiligi men mekteptegi ahual siyaqtı birqatar kriteriyler boyınşa bağalanğan.

– Bwl tizim – jay ğana üzdik mektepter jiıntığı emes. Bwl – är balanıñ qabiletin aşuğa küş salatın mwğalimderdiñ, mektep äkimşiliginiñ, ata-analar men oquşılardıñ üylesimdi eñbeginiñ körinisi. Är bala bilim alatın ornına senip, şabıttanıp, öz äleuetin aşa bilui tiis, – dedi Komitet törağasınıñ orınbasarı Mayra Meldebekova.

Ayta keteyik, elimizde 8 mıñğa juıq mektep bar. Onda 3,9 millionnan astam oquşı bilim alıp, 412 mıñ pedagog eñbek etude. Üzdik 100 mektep tizimin anıqtau bastaması aldağı jıldarı da jalğasıp, twraqtı reytingke aynalmaq.