Қазақстанда ақылы жолдар саны айтарлықтай көбеймек. Көлік министрі Марат Қарабаевтың айтуынша, биыл жөндеу жұмыстары аяқталған соң тағы 29 тасжол учаскесіне жол ақысы енгізіледі. Бұл жолдардың жалпы ұзындығы – 6,2 мың шақырым, деп хабарлайды Shalqar.kz.

Бүгінгі таңда 3,2 мың шақырымды құрайтын 17 жол ақылы жүйемен жұмыс істеп тұр. Былтыр осы жолдардан 48 миллиард теңге жиналған. Ал биыл бұл көрсеткіш 100 миллиард теңгеден асады деп күтілуде.

“Жиналған қаражат болашақта жолдарды күтіп ұстауға, техника сатып алуға және бұрын алынған қарыздардың пайызын өтеуге жұмсалуы мүмкін”, – деді министр Сенаттағы үкімет сағатында.