Qazaqstandıq şahmatşı Bibisara Asaubaeva älemdik şahmat arenasında kezekti ret biikten körindi. BAÄ-de ötken bedeldi Sharjah Masters 2025 superturnirinde ol öziniñ üşinşi grossmeysterlik normasın orındap, FIDE reytinginde 2500 mejeden asıp tüsti, dep habarlaydı Shalqar.kz.

Bwl – şahmattağı eñ joğarğı ataqtıñ esigin ayqara aşatın sät. Endi tek Halıqaralıq şahmat federaciyasınıñ (FIDE) resmi şeşimi qaldı. Osılayşa, Bibisara Qazaqstan tarihında äyelder arasınan şıqqan ekinşi grossmeyster (GM) bolmaq. Bwğan deyin bwl ataqtı tek Jansaya Äbdimalik ielengen bolatın.

Sharjah Masters turniri oñay qarsılastarmen erekşelenbeydi. Bwl jolı da 64 grossmeyster qatısqan jarısta Bibisara tek üzdik 30 şahmatşınıñ qatarına enip qana qoymay, äyelder arasında eñ joğarı nätijege qol jetkizdi. Ol tipti äyelder Gran-priiniñ jeñimpazı Çju Czin'er men Olimpiada çempionı Div'ya Deşmuhtı artta qaldırdı.

Ayta keteyik, Bibisara – Qazaqstan tarihındağı eñ jas halıqaralıq grossmeyster. Aqtaudan şıqqan darındı qız el şahmatınıñ damuına zor üles qosıp keledi.