Mäjilis spikeri Erlan Qoşanovtıñ törağalığımen Byuro otırısı ötip, aldağı jalpı otırıstıñ kün tärtibi naqtılandı.

Deputattardıñ talqılauına birinşi oqılımda qılmıstıq jolmen alınğan kiristerdi zañdastıruğa (jılıstatuğa) jäne terrorizmdi qarjılandıruğa qarsı is-qimıl mäseleleri boyınşa özgerister men tolıqtırular engizu turalı zañ jobasın qarau engiziledi. Qwjat wlttıq zañnamanı halıqaralıq standarttarğa, atap aytqanda, Aqşanı jılıstatuğa qarsı kürestiñ qarjılıq şaraların äzirleu tobınıñ (FATF) wsınımdarına säykestendiru maqsatımen äzirlengen.

Zañ jobası ayasında qarjılıq monitoring sub'ektileriniñ tizimin keñeytu wsınıladı. Olardıñ qatarına wyalı baylanıs operatorların jäne «Azamattarğa arnalğan ükimet» memlekettik korporaciyasın qosu közdelip otır. Sonday-aq qarjılıq monitoring sub'ektileriniñ uäkiletti organğa kümändi qızmet jöninde habarlama jiberu mindetin engizu wsınıladı. Bwdan bölek, qolma-qol türde mädeni qwndılıqtardı satıp alu nemese satu, olardı äkelu nemese äketu, sonday-aq cifrlıq aktivtermen jasalatın operaciyalar boyınşa 5 million teñgege teñ nemese odan asatın somağa şekti män belgilenedi.

Sonımen qatar zañ jobasında qarjılıq operaciyalardıñ aşıqtığın arttıruğa, qarjılıq monitoring jüyesin nığaytuğa jäne kiristerdi zañsız jolmen zañdastıruğa (aqşanı jılıstatuğa) äri terrorizmdi qarjılandıruğa qarsı küres şaraların küşeytuge bağıttalğan birqatar basqa norma da qarastırılğan.

Ekinşi oqılımda deputattarğa Qılmıstıq, Qılmıstıq-processualdıq jäne Qılmıstıq-atqaru kodeksterin oñtaylandıruğa qatıstı tüzetulerdi qarau wsınılıp otır. Zañ jobasın Prezidenttiñ 2022 jılğı 1 qırküyektegi «Ädiletti memleket. Birtwtas wlt. Berekeli qoğam» Qazaqstan halqına joldauı ayasında berilgen tapsırmaların orındau üşin Ükimet äzirlegen. Bwl tüzetuler qwqıq üstemdigin qamtamasız etuge, memlekettik mäjbürleu şaraların ädilettilik pen jauapkerşiliktiñ säykestik qağidattarına say keltiruge, sonday-aq Qazaqstan Respublikasınıñ joğarı konstituciyalıq qwndılıqtarı men negizgi qızmet qağidattarın tiimdi qorğauğa bağıttalğan.
Sonımen qatar deputattar «Nısanalı kapital qorları (endaument-qorlar) turalı» jäne işki ister organdarınıñ qızmeti salasındağı normalardıñ artıq (şamadan tıs) zañnamalıq reglamentteluin bolğızbau mäselelerine qatıstı zañnamalıq tüzetulerdi qaraydı.

Jalpı otırısta Mäjilis birqatar jaña halıqaralıq qwjattı jwmısqa aludı josparlap otır. Olar: Resey Federaciyasımen Qostanaydağı Çelyabi memlekettik universitetiniñ filialınıñ jwmıs isteui turalı kelisim, Türikmenstanmen qılmıspen küreste ıntımaqtastıq jönindegi kelisim, Qatar memleketimen qazaqstandıq azamattardı jwmısqa ornalastırudı retteu turalı kelisim, sonday-aq 2003 jılğı 25 jeltoqsanda jasalğan Qırğız Respublikasımen memlekettik şekaradağı ötkizu punktteri turalı kelisimge özgerister engizu turalı hattama.
Sonımen qatar kün tärtibiniñ jobasında Senat wsınğan «Akvaşaruaşılıq turalı» zañnıñ jekelegen baptarında jaña redakciyada engizilgen özgerister de  qaraladı.