Mäjilis törağası Erlan Qoşanov Astanağa resmi saparmen kelgen Armeniya Respublikası Wlttıq jinalısınıñ törağası Alen Simonyanmen kezdesti.
Märtebeli meymandı qarsı alğan Erlan Qoşanov Armeniyanıñ Oñtüstik Kavkaz aymağındağı Qazaqstan üşin mañızdı äriptes ekenin atap ötti. Mäjilis spikeri bizdiñ elimiz Armeniya basşılığı jüzege asırıp jatqan auqımdı sayasi, ekonomikalıq jäne äleumettik reformalardı ülken qızığuşılıqpen baqılap otırğanın ayttı.
– Bıltır Qazaqstan men Armeniya arasındağı dostıq jäne ıntımaqtastıq turalı şarttıñ 25 jıldığın atap öttik. Bwl mereytoyğa oray memleket basşılarınıñ resmi saparlar almasuınıñ simvoldıq mäni zor. Bwl eki mañızdı oqiğa jaña geosayasi jağdaylardağı memleketterimiz arasındağı ıntımaqtastıqqa quattı qarqın berdi. Onda äriptestigimizdiñ barlıq salaların qamtitın birqatar kelisimge qol qoyıldı, – dedi Erlan Qoşanov.
Kezdesu barısında Parlament spikerleri joğarı deñgeyde qol jetkizilgen kelisimderdi zañnamalıq twrğıdan räsimdeu jäne jaña ekonomikalıq äri mädeni jobalardı qoldau mäselelerin talqıladı.
Mäjilis törağası armyan äriptesin elimizde jürgizilip jatqan reformalar men zañ şığaru jwmısı jayında habardar etti. Äñgime barısında taraptar Qazaqstanda qabıldanğan äleumettik ädildik, zañ üstemdigi men tärtipti nığaytuğa bağıttalğan zañdardıñ Armeniya üşin qızığuşılıq tudıratının atap ötti. Osı orayda deputattar beyindi komitetter arqılı täjiribe almasuğa kelisti.
Öz kezeginde Alen Simonyan parlamentter arasındağı qarım-qatınastı jandandıru qajettigine nazar audardı.
– Parlamentaralıq baylanıstıñ damuı özara tüsinistikti tereñdetuge, senimdi nığaytuğa, sonday-aq ekijaqtı kelisimderdi tiimdi jüzege asıruğa septigin tigizedi. Biıl säuir ayında ötken Qazaqstan mädenieti künderi Armeniya üşin mädeni-gumanitarlıq saladağı mañızdı oqiğağa aynaldı. Sonımen birge Armeniya tarapı Qazaqstan biligi men halqınıñ armyan diasporasına degen közqarasın joğarı bağalaydı. Ol – elderimiz ben halıqtarımız arasındağı mañızdı däneker, – dedi Wlttıq jinalıs törağası.
Sonımen qatar taraptar ekonomika, logistika, mädeni-gumanitarlıq saladağı ıntımaqtastıqtıñ keñ auqımdı mäselelerin de talqıladı.
 
Jazira Amantayqızı