Mäjilis spikeri Erlan Qoşanov  Memleket basşısınıñ tapsırmasımen Türkiya Respublikasınıñ Wlttıq künine arnalğan saltanattı jiınğa qatısıp, bauırlas türik halqın Anadolı eliniñ qwrılğanına 101 jıl toluımen qwttıqtadı.
Palata törağası öz sözinde qazaq halqı täuelsizdigin eñ alğaş tanığan memleket retinde Türkiyanı erekşe qadirleytinin atap ötti.
– Bıltır ğana tamırlas eldiñ ğasır toyın özderiñizben birge atap ötken edik. Biıl da bwl igi dästür jalğasın tauıp jatır, – dedi Erlan Qoşanov.
Biıl eki el arasında Dostıq jäne ıntımaqtastıq turalı kelisimge qol qoyılğanına 30 jıl tolıp otır.
– Bizdiñ dostığımızdıñ tamırı bwdan da tereñde jatır. San ğasırlıq ortaq tarihımız, mädeni-ruhani sabaqtastığımız soğan kuä. Sol ekijaqtı qarım-qatınas, babalarımız salıp ketken sara jol jıl ötken sayın jandanıp, ıntımağımız örlep-örkendep keledi. Qazirgi tañda Qazaqstan men Türkiya arasındağı ıntımaqtastıq keñeytilgen strategiyalıq äriptestik deñgeyine jetti. Oğan bizdiñ elderimizdiñ köşbasşıları Qasım-Jomart Toqaev pen Rejep Tayip Erdoğannıñ arasındağı mızğımas dostıq berik negiz boluda. Jäne qazaq-türik qarım-qatınasın jaña deñgeyge köteruge zor septigin tigizude, – dedi Palata törağası.
Mäjilis spikeri strategiyalıq seriktestiktiñ erekşe qarqın aluında qazaq-türik Parlamentaralıq ıntımaqtastığığıñ eñbegi mol ekenine nazar audardı.  Oğan biıl mamır ayında Türkiya Wlı Wlttıq Mäjilisiniñ törağası Numan Kurtulmuştıñ Qazaqstanğa resmi saparı serpin berdi.
Erlan Qoşanov eki eldiñ zañ şığaruşı organdarı memleket basşılarınıñ uağdalastıqtarın qarqındı iske asıruğa belsene atsalısatının ayttı.
Sonımen qatar, 2024 jılı Türki memleketteri wyımına 15 jıl toladı. Mäjilis törağası osı aytulı datamen de qwttıqtap, bauırlas halıqtarğa baq-bereke tiledi.

 

Jazira Amantayqızı