29 mamırda Qıtaydıñ Sian' qalasınan Almatığa alğaşqı turistik poyız jolğa şığadı. Bwl — qos memleket arasındağı turizm men dostıqtı nığaytatın tarihi qadam. Eki eldiñ mädeni baylanısı men ekonomikalıq qarım-qatınasına serpin beretin joba «Ortalıq Aziya – Qıtay» II sammiti ayasında iske asıp otır, dep habarlaydı Shalqar.kz.

Almalı qalağa sayahattaytın poyız 31 mamırda Almatığa jetedi. Delegaciya qwramında 250-den astam qonaq bar: memlekettik organdardıñ ökilderi, käsipkerler, ğalımdar, mädeniet jäne sport qayratkerleri, medicina salasınıñ mamandarı men turister. Delegaciyanı Sian' qalası äkiminiñ orınbasarı Syao Ci bastap keledi.

Almatılıqtar üşin de, qonaqtar üşin de qızıqtı künder bastalmaq. Turister üşin arnayı mädeni jäne iskerlik bağdarlama jasalğan. Qıtaylıq delegaciya Almatıda bes kün boladı, sodan keyin 5 mausım küni keri qaray, Sian'ğa attanadı.

Jobanı jüzege asıruğa Qazaqstan men Qıtay tarapınan birneşe iri qwrılım atsalısıp otır. Atap aytqanda, Qıtay Halıq Respublikasınıñ Memlekettik damu jäne reformalar komiteti, QR Turizm jäne sport ministrligi, «Kazakh Tourism» wlttıq kompaniyası, «Qazaqstan Temir Jolı», Sırtqı ister jäne Kölik ministrlikteri, Şekara qızmeti, İİM, Almatı qalasınıñ Turizm basqarması jäne otandıq turoperatorlar birlesip jwmıs isteude.