Astanada halıqaralıq deñgeydegi jaña bilim beru jobası iske qosıldı — Qazaqstan men Franciya arasındağı seriktestiktiñ jemisi sanalatın Halıqaralıq francuz mektebiniñ qwrılısı resmi türde bastaldı. Bolaşaq liceydiñ twsaukeser räsiminde mektep kireberisine eskertkiş taqta ornatıldı, dep habarlaydı Shalqar.kz.

Mektep pansionı bar tolıqqandı bilim beru keşeni retinde jwmıs isteytin boladı. Oqu procesi francuz jäne qazaqstandıq bilim beru standarttarına negizdelip, qazaq, francuz, ağılşın jäne orıs tilderinde jürgiziledi. Bwl joba Qazaqstan Prezidenti Qasım-Jomart Toqaev pen Franciya Prezidenti Emmanuel' Makron arasındağı kelisim ayasında jüzege asıp otır.

Saltanattı şarağa Franciyanıñ Sırtqı sauda jäne şeteldegi francuzdar jönindegi uäkiletti ministri Loran Sen-Marten arnayı kelip qatıstı.

«Astanadağı bwl mektep jäne jaqın arada Almatıda aşılatın tağı bir francuz mektebi – jas qazaqstandıqtarğa köptildi, jan-jaqtı bilim aluğa jol aşadı. Bizdiñ halıqaralıq bilim beru jelimiz – älem boyınşa jüzdegen oqu ornın qamtitın keñ jüye. Bwl mektep – diplomatiyalıq qarım-qatınastardıñ şınayı körinisi», – dedi ol.

Jospar boyınşa, Halıqaralıq francuz mektebi alğaşqı oquşıların 2026 jıldıñ 1 qırküyeginde qabıldaydı. Mektep tek bilim beru sapasımen emes, arhitekturasımen de erekşe bolmaq.

Qazaqstan Respublikasınıñ Oqu-ağartu ministri Ğani Beysembaevtıñ aytuınşa, bwl mektep – eki el arasındağı senim men dostıqtı nığaytatın naqtı qadam.

«Bwl — jay ğana qwrılıs emes. Bwl — bolaşaqqa salınğan köpir. Francuz mektebi elderimiz arasındağı bilim salasındağı ıqpaldastıqtıñ körinisine aynaladı», – dedi ministr.

Astanada Qazaqstan-Franciya biznes-forumı da ötti. Büginde elimizde francuz kapitalı bar 170-ke juıq kompaniya jwmıs istep jatır.