ЕGov Mobile қосымшасында тағы бір маңызды құжат пайда болды. Енді әрекетке қабілетсіз кәмелетке толған азаматтарға қамқоршы немесе қорғаншы ретінде тіркелген адамдарға қатысты мәліметтерді “Цифрлық құжаттар” бөлімінен алуға болады, деп хабарлайды Shalqar.kz.

Бұл құжат – ҚР Еңбек және халықты әлеуметтік қорғау министрлігінің ресми деректері негізінде автоматты түрде жасалады. Онда қамқоршы мен қамқорлыққа алынушы туралы мынадай мәліметтер көрсетіледі:
 • ЖСН,
 • аты-жөні (Т.А.Ә.),
 • туған күні,
 • жергілікті атқарушы орган бұйрығының күні мен нөмірі,
 • құжаттың жарамдылық мерзімі.

Цифрлық құжатты мемлекеттік қызметтер алу кезінде немесе басқа ұйымдарға ұсынуға болады. Бұл – қағазбастылықтан арылуға, уақытыңды үнемдеуге және қажетті құжатты үнемі жаныңда ұстауға мүмкіндік беретін тағы бір қадам.