Астанада Орталық Азия елдері мен Италияның жоғары деңгейдегі тарихи кездесуі өтіп жатыр. “Орталық Азия – Италия” форматындағы алғашқы саммитке өңір елдерінің президенттері мен Италия Премьер-министрі Джорджия Мелони қатысуда, деп хабарлайды Shalqar.kz.

Бұл – Орталық Азия елдері мен Еуропаның ықпалды мемлекетінің арасындағы байланысты жаңа деңгейге көтеретін маңызды қадам. Саммиттің негізгі мақсаты – саяси диалогты тереңдетіп, экономикалық, инвестициялық және инфрақұрылымдық байланыстарды нығайту.

Саммитке қатысушылар:
 • Түрікменстан президенті
 • Қырғызстан президенті
 • Тәжікстан президенті
 • Өзбекстан президенті
 • Италия Премьер-министрі Джорджия Мелони

Бүгінгі басқосу барысында энергетика, логистика, инфрақұрылым және жаһандық сын-қатерлерге қарсы күрес бағытындағы ынтымақтастық мәселелері талқыланып жатыр.

Италия Орталық Азияны сенімді серіктес ретінде қарастырады. Саммит соңында тараптар бірнеше маңызды құжаттарға қол қойып, көпжақты ынтымақтастықты нақты іспен бекітуі күтілуде.