“Wlttıq qor – balalarğa” bağdarlaması ayasında büginde elimizdegi 7 millionğa juıq balanıñ atına qarjı audarılıp ülgerdi. Bwl – memlekettiñ bolaşaq wrpaqqa jasağan naqtı qamqorlığınıñ bir körinisi, dep habarlaydı Shalqar.kz.

Bağdarlama 2024 jıldıñ 1 qañtarınan bastap resmi türde iske qosıldı. Erejege säykes, 2006 jıldan bastap düniege kelgen ärbir balağa jıl sayın Wlttıq qordan qarajat bölinedi. Jinaq tek 18 jasqa tolğanda beriledi jäne onı tek twrğın üy aluğa nemese oquğa jwmsauğa boladı.

Qarjı ministrliginiñ mälimetinşe, 2023 jılı 6 919 131 bala bağdarlama qatısuşısı atanıp, ärqaysısınıñ şotına $100,52 esepteldi. Jalpı soma – $695,5 mln.

2024 jılı sol balalardıñ işinde 304 815-i 18 jasqa tolıp, olarğa $30,6 mln-nan astam qarajat berildi. Al 2025 jılı bwl körsetkiş 6 921 035 balağa jetedi, onıñ işinde 324 430-ı 18 jasqa toladı, olar üşin $129,38 mln köleminde qarjı qarastırılğan.

Bwl – balalardıñ bolaşağına bağıttalğan twraqtı qarjılıq qoldau jüyesi. Endi ata-ana da, bala da erteñgi künge senimmen qaray aladı.