2025–2026 оқу жылына мемлекеттік білім беру гранттарының саны белгілі болды. Бұл жаңалық болашақ студенттер мен ата-аналар үшін зор үміт сыйлап отыр, деп хабарлайды Shalqar.kz.

Ғылым және жоғары білім министрлігінің мәліметінше, биыл 70 мыңға жуық талапкер жоғары оқу орнына тегін түсе алады. Гранттардың басым бөлігі – сұранысқа ие мамандықтарға бөлінген.

  Педагогикалық бағыт – 13 226 грант
  Инженерлік, өңдеу және құрылыс салалары – 19 000-ға жуық грант
  Ақпараттық-коммуникациялық технологиялар – 11 000-нан астам
  Жаратылыстану ғылымдары, математика және статистика – 9 000+
  Өнер мен гуманитарлық ғылымдар – 1 915 грант

Министрлік дерегінше, 2019 жылы туған 400 мыңнан астам бала биыл алғаш рет мектеп табалдырығын аттайды. Ал 2027 жылға қарай еліміздегі оқушы саны 5 миллионға жуықтайды. Бұл — болашақта мұғалімдерге деген сұраныстың арта түсетінін білдіреді.

Сол себепті педагогика саласына ерекше көңіл бөлініп отыр. Жас түлектер үшін бұл сала – әрі тұрақты, әрі болашағы бар бағыттардың бірі.