قازاقستاندا ينتەرنەت پەن ۇيالى بايلانىس ۇشىن جاڭا قارجىلىق جۇكتەمە پايدا بولۋى مۇمكىن. تسيفرلىق دامۋ, يننوۆاتسييالار جانە اەروعارىش ونەركاسىبى مينيسترلىگى بايلانىس ساپاسىن ارتتىرىپ, ازاماتتاردىڭ قۇقىقتارىن قورعاۋ ماقساتىندا ارنايى قور قۇرۋدى ۇسىنىپ وتىر, دەپ حابارلايدى Shalqar.kz.

جارييالانعان زاڭ جوباسىنا سايكەس, بۇل قور كوممەرتسييالىق ەمەس ۇيىم رەتىندە قۇرىلماق. ونىڭ باستى مىندەتتەرى:
 • بايلانىس ينفراقۇرىلىمىن جاقسارتۋ
 • قول جەتىمسىز نە السىز بايلانىس بار ايماقتارعا ينۆەستيتسييا تارتۋ
 • پايدالانۋشىلاردىڭ قۇقىقتارىن قورعاۋعا باعىتتالعان جوبالاردى قارجىلاندىرۋ

قور مىنا كوزدەردەن قارجىلاندىرىلماق:
 • بايلانىس وپەراتورلارى مەن ينتەرنەت-پروۆايدەرلەردىڭ مىندەتتى جارنالارى
 • ەرىكتى اۋدارىمدار مەن قايىرىمدىلىق كومەكتەر
 • زاڭمەن رۇقسات ەتىلگەن باسقا دا كوزدەر

نەگىزگى ماسەلە – مىندەتتى جارنا كولەمى. قۇجاتقا سايكەس, وپەراتورلار وزدەرىنىڭ جىلدىق تابىسىنىڭ 3 پايىزىن وسى قورعا اۋدارىپ وتىرادى. بۇل بايلانىس قىزمەتتەرىن تىكەلەي قىمباتتاتۋدى كوزدەمەيدى, دەگەنمەن ساراپشىلاردىڭ پىكىرىنشە, وپەراتورلار بۇل شىعىندى تاريفتەردى كوتەرۋ ارقىلى وتەۋى مۇمكىن.

زاڭ جوباسىندا تاريف باعالارىن شەكتەۋ نەمەسە وسىمگە تىيىم سالۋ جايلى ناقتى ەرەجە قاراستىرىلماعان.

جوباعا قاتىستى قوعامدىق تالقىلاۋ 2025 جىلدىڭ 10 ماۋسىمىنا دەيىن جالعاسادى. ازاماتتار, ساراپشىلار مەن سالانىڭ مۇددەلى تاراپتارى وز پىكىرىن ونلاين تۇردە قالدىرا الادى.


 • جاڭا قور بايلانىس ساپاسىن ارتتىرۋعا باعىتتالعانىمەن, ول بايلانىس قۇنىن جاناما تۇردە كوتەرۋى مۇمكىن.
 • مۇنداي جۇيە الەمدىك تاجىريبەدە دە كەزدەسەدى, الايدا ول رەتتەلمەسە, تۇتىنۋشىنىڭ قالتاسىنا سالماق سالۋى ىقتيمال.