بۇگىن – 5 ماۋسىم. بۇل كۇن تەك ەكولوگ مامانداردىڭ كاسىبي مەرەكەسى عانا ەمەس, اربىر ادامعا: “بىز تابيعاتقا نە قالدىرىپ بارامىز?” دەگەن سۇراق قوياتىن ماڭىزدى داتا. سەبەبى قورشاعان ورتا – بارشاعا ورتاق قۇندىلىق.

قازىر الەم ەلدەرى ەكولوگييالىق داعدارىس الدىندا تۇر. كليماتتىڭ وزگەرۋى, اۋا مەن سۋدىڭ لاستانۋى, ورمانداردىڭ قىرقىلۋى – بۇل تەك عالىمداردى عانا ەمەس, قاراپايىم حالىقتى دا الاڭداتۋى تيىس.

قازاقستاندا سوڭعى جىلدارى ەكولوگييالىق باستامالار جيى قولعا الىنۋدا. سونىڭ بىرى – «تازا قازاقستان» ۇلتتىق اكتسيياسى. بۇل – تازالىقتى ساقتاۋ عانا ەمەس, تابيعاتقا جاناشىر بولۋدى قالىپتاستىرۋ جولىنداعى ناقتى قادام.

نەلىكتەن ارقايسىمىز ەكولوگ بولۋىمىز كەرەك?
 • وزەن-كولدەردىڭ سۋى لايلانسا – ىشەر سۋ تابىلمايدى;
 • اۋانىڭ ساپاسى ناشارلاسا – دەنساۋلىق سىر بەرەدى;
 • اعاشتار ازايسا – جەل كوبەيىپ, توپىراق توزادى;
 • تابيعاتتى ايالاۋ – وزىڭدى جانە بولاشاق ۇرپاعىڭدى ايالاۋ.

ەكولوگتار كۇنى – جاي مەرەكە ەمەس. بۇل – ۇلكەن جاۋاپكەرشىلىككە, سانالى قادامدارعا شاقىراتىن كۇن.

نە ىستەي الامىز?
 • قوقىستى سۇرىپتاپ تاستاۋ;
 • اعاش وتىرعىزۋ;
 • تابيعات اياسىندا تازالىق ساقتاۋ;
 • ەكو-باستامالارعا قولداۋ بىلدىرۋ.

اربىر ارەكەت – ۇلكەن وزگەرىسكە باستايتىنىن ۇمىتپاڭىز. سەبەبى جەر – بىزدىڭ ورتاق ۇيىمىز!