جەتىسۋ وبلىسىندا ۇلكەن رەزونانس تۋدىرعان شەرزات پولاتتىڭ ولىمىنە قاتىستى اتىشۋلى قىلمىستىق ىس بويىنشا سوت ۇكىمى شىقتى. تالدىقورعاندا وتكەن سوت وتىرىسىندا 16 جاستاعى جاسوسپىرىمنىڭ ولىمىنە كىنالى دەپ تانىلعان 9 ادامعا قاتىستى شەشىم جارييالاندى, دەپ حابارلايدى Shalqar.kz.

سوت شەشىمى قانداي بولدى?

قىلمىستىق توپتىڭ مۇشەلەرىنە كەلەسىدەي جازا تاعايىندالدى:
 • ابزال شىناسىل – 23 جىل باس بوستاندىعىنان ايىرىلدى;
 • راۆيلь ساكيەۆ – 20 جىل;
 • ازامات توقتاۋباەۆ – 15 جىل;
 • شىڭعىس بەلعوجاەۆ, دارحان اسكەنتاي, نۇربول توقتاۋباەۆ, ديدار قالياحمەت – ارقايسىسى 7 جىلدان جازا الدى;
 • نۇرقيياس ىليياسوۆ – 9 جىل;
 • دۋمان ىسقاق (كامەلەتكە تولماعان) – 1 جىل 6 اي.

ەسكە سالايىق:

شەرزات پولاتتىڭ ولىمى 2023 جىلى ەلدى دۇر سىلكىندىرگەن وقيعالاردىڭ بىرى بولدى. بۇل ىس بويىنشا بارلىعى 9 ادامعا ايىپ تاعىلعان بولاتىن.

مەملەكەتتىك ايىپتاۋشى دانا سارسەنباي وتكەن اپتاداعى جارىسسوز بارىسىندا ايىپتالۋشىلارعا 1,5 جىلدان 23 جىلعا دەيىن جازا تاعايىنداۋدى سۇراعان ەدى. سوت شەشىمى سول ۇسىنىسقا ساي شىقتى.