Bügin, 2025 jıldıñ 6 mausımı – Qwrban ayttıñ alğaşqı küni. Bwl – bükil älemdegi mwsılmandar üşin erekşe meyram. Islam küntizbesi boyınşa zül-hijja ayınıñ 10-ı küni bastalatın bwl ayt meyramı üş künge sozıladı. Qazaqstanda Qwrban ayttıñ birinşi küni resmi mereke retinde atap ötiledi.

Qwrban ayt – birlik pen bereke, imandılıq pen izgilikke ündeytin meyram. Bwl künderi mwsılmandar meşitke barıp, ayt namazın oqidı, qwrbandıq şaladı jäne jaqın-juıqtarına, mwqtaj jandarğa kömek körsetedi. Ayt kezinde tek et taratılıp qoymaydı, bwl – adamdar arasındağı qamqorlıq pen janaşırlıqtıñ körinisi.

Qwrban aytta jağdayı jetken mwsılman qwrbandıq şalu arqılı Allanıñ razılığına bölenuge wmtıladı. Qwrbandıq eti üşke bölinip: bir böligi – otbasına, ekinşi böligi – tuıstar men körşilerge, al üşinşi böligi – mwqtaj jandarğa beriledi.

Qwrban ayttıñ mäni nede?

Qwrban ayt – tek qwrban şalu ğana emes, ol – jürektegi senimniñ, şükirşiliktiñ, adamgerşiliktiñ, sabır men meyirimniñ belgisi. Bwl meyram Ibrahim (ğ.s.) payğambardıñ Alla jolındağı sınaqqa sabırmen boyswnıp, wlı Ismayıldı qwrban etuge dayın bolğandığınıñ esteligi. Sol oqiğa – adamzatqa senim men moyınswnudıñ eñ joğarğı ülgisi retinde qalğan.

Qwrban ayt künderi:
 • Renjiskender tatulasadı,
 • Qarttar men ata-analarğa erekşe köñil bölinedi,
 • Jetimder men mwqtajdarğa kömek körsetiledi,
 • Üylerge quanış pen meyirim enedi.