جازعى دەمالىستىڭ قارساڭىندا اتا-انالاردى تولعاندىراتىن باستى سۇراقتىڭ بىرى – بالانى لاگەرьگە جىبەرۋ قانشا تۇرادى? قازاقستاندا بيىل بالالار لاگەرىنە جولداما باعاسى وڭىرگە قاراي ارتۇرلى. ەڭ ارزان باعا 15 000 تەڭگەدەن باستالسا, ەڭ قىمبات جولداما 350 000 تەڭگەگە دەيىن بارادى. كەيبىر وبلىستاردا بالالار لاگەرьدە تەگىن دەمالادى, دەپ حابارلايدى Shalqar.kz.

مەملەكەتتىك جانە جەكە لاگەرьلەر:
مەكتەپ جانىنداعى لاگەرьلەر 15 كۇن جۇمىس ىستەيدى. بۇل جەردە اتا-انالار تەك تاماقتانۋعا عانا اقى تولەيدى. بىراق كۇندەلىكتى مۇراجاي, كينوتەاتر, سەرۋەن سەكىلدى قوسىمشا شىعىندار بولۋى مۇمكىن.

باعالار وڭىر بويىنشا:
 • قاراعاندى وبلىسى – 15 000 – 75 000 تگ
 • قوستاناي – 18 000 تگ باستاپ
 • اتىراۋ, بقو – 25 000 تگ جانە ودان جوعارى
 • سقو – 35 000 – 60 000 تگ
 • پاۆلودار – 36 000 – 125 000 تگ
 • اقمولا, قىزىلوردا – 40 000 تگ باستاپ
 • شقو – 45 000 – 132 000 تگ
 • الماتى وبلىسى – 50 000 – 350 000 تگ (رەكوردتىق باعا)
 • تۇركىستان – 60 000 – 100 000 تگ
 • جامبىل – ورتا ەسەپپەن 63 000 تگ
 • اقتوبە – ورتا ەسەپپەن 70 000 تگ (مەملەكەتتىك لاگەرь جوق)
 • اباي وبلىسى – 75 000 – 100 000 تگ
 • ماڭعىستاۋ – 150 000 – 180 000 تگ (ەڭ قىمباتى)

ۇلىتاۋ وبلىسى:
مۇندا جەكە لاگەرь جوق, بىراق “قازاقمىس” كومپانيياسى بالالاردى باسقا وڭىردەگى لاگەرьلەرگە جىبەرۋدى ۇيىمداستىرادى.

الەۋمەتتىك از قامتىلعان وتباسىلاردىڭ بالالارى ۇشىن كەيبىر لاگەرьلەر تەگىن. سونىمەن قاتار, كەيبىر ىرى كاسىپورىندار دا قىزمەتكەرلەرىنىڭ بالالارىنا تەگىن جولداما بەرەدى.