Qazaqstandağı 3000-nan astam auıl joğarı jıldamdıqtı internetke qosıladı. Bwl – Cifrlıq damu, innovaciyalar jäne aeroğarış önerkäsibi ministrligi men “Qazaqtelekom” AQ arasındağı jaña investiciyalıq kelisimniñ nätijesi, dep habarlaydı Shalqar.kz.

Jobanıñ bastı maqsatı — auıl men qalanıñ cifrlıq teñdigin qamtamasız etu.

– Talşıqtı-optikalıq jeliler qwrılısı 2026 jıldıñ soñına deyin ayaqtaladı (bastapqı jospardan bir jıl bwrın).
– Şalğay aymaqtar 2027 jıldıñ soñına deyin jerseriktik internetpen qamtıladı.
– Nätijesinde, auıldardıñ 99%-ı internetpen qamtamasız etiledi.

Jelige eñ aldımen mına nısandar qosıladı:
– mektepter
– auruhanalar
– äkimdikter
– şekara beketteri
– byudjettik wyımdar men qoğamdıq Wi-Fi nükteleri

Jalpı alğanda, auıldardıñ 88%-ı – talşıqtı-optikalıq, al 12%-ı – sputniktik arnalarmen qosıladı.

Jobağa 239 milliard teñgeden astam investiciya tartılğan. Eñ bastısı – bwl byudjetten tıs qarajat, “Qazaqtelekomnıñ” infraqwrılımdıq mümkindikteri arqılı jüzege asadı.

Auıldarda wyalı baylanıstıñ bazalıq stanciyaları da jañartılıp, sapası artadı. Bwl – mobil'di internettiñ jıldamdığın köterip, baylanıs sapasın jaña deñgeyge şığaradı.

Jaslan Mädiev, ministr:
«Bizdiñ maqsat — tek internet jetkizu emes, auıldı eldiñ cifrlıq ekojüyesine tolıq engizu. Bwl bilim, densaulıq, memlekettik qızmetterge teñ qoljetimdilikti qamtamasız etedi».

Bağdat Musin, “Qazaqtelekom” basşısı:
«Auıl balası men qala balasınıñ mümkindigi birdey boluı kerek. Cifrlıq teñsizdik joyıluı tiis. Internet — sän emes, ol — bazalıq qajettilik».