قازاقستانعا كەلگەن شەتەلدىك تۋريستەرگە تەگىن SIM كارتا بەرىلمەك. بۇل باستامانى مادەنيەت جانە اقپارات مينيسترى ەربول مىرزابوسىنوۆ ۇكىمەت وتىرىسىندا كوتەردى, دەپ حابارلايدى Shalqar.kz.

مينيستردىڭ ايتۋىنشا, ەلگە كەلگەن كوپتەگەن تۋريست العاشقى ساتتەن باستاپ ينتەرنەت پەن بايلانىستىڭ جوقتىعىنان قيىندىق كورەدى. وسى ماسەلەنى شەشۋ ۇشىن قازاقستاندا تەگىن SIM كارتا تاراتۋ ۇسىنىلىپ وتىر.

«تۋريست ەلگە قادام باسقان ساتتە بايلانىسقا شىعۋى كەرەك. بۇل – قاۋىپسىزدىك پەن جايلىلىقتىڭ ماڭىزدى بولىگى», – دەدى مينيستر.

بۇعان قوسا, مينيستر ەلىمىزدىڭ ىرى قالالارىندا تۇنگى ۋاقىتتا اۋەجاي مەن قالا ورتالىعى اراسىندا قاتىنايتىن تۇنگى اۆتوبۋستاردى ىسكە قوسۋدى ۇسىندى. بۇل – تۋريستەر ۇشىن عانا ەمەس, تۇندە جۇمىس ىستەيتىن ازاماتتار ۇشىن دە تيىمدى شەشىم بولماق.

بۇل ۇسىنىستار ەلىمىزدىڭ تۋريستىك يميدجىن ارتتىرۋعا, سەرۆيستى جاقسارتۋعا جانە قوناقتارعا جايلى جاعداي جاساۋعا باعىتتالعان.