Qazaqstanda Konstituciyanıñ 30 jıldığına oray raqımşılıq jasaluı mümkin. Bwl turalı Mäjiliste arnayı zañ jobası wsınılıp, deputattar tarapınan qoldau taptı. Zañ ayasında mıñdağan azamattıñ bostandığı men jaza merzimi qayta qaralmaq, dep habarlaydı Shalqar.kz.

Mäjilis otırısında söz söylegen deputat Abzal Qwspannıñ aytuınşa, bwl qadam – qatelik jasağanımen, tüzeluge bet alğan azamattarğa beriletin mümkindik.

«Bwl – memlekettiñ izgilikke negizdelgen aktisi. Ökingen, qateligin tüsingen, tüzelgisi keletin jandarğa ekinşi mümkindik beruimiz kerek», – dedi Qwspan.

Zañ jobası boyınşa raqımşılıq kelesi sanattağı azamattarğa qoldanıladı:
 • Qılmıstıq teris qılıq jasağan,
 • Onşa auır emes nemese ortaşa auır qılmıs jasap, jazasın ötep bitken,
 • Ortaşa auır qılmıstar boyınşa tergeu jürip jatqan, biraq ükimi şıqpağan azamattar.

Al auır jäne asa auır qılmıs jasağandarğa jaza merziminiñ ötelmegen böligi qısqartıluı mümkin. Mısalı, alayaqtıq jasap, keltirilgen zalaldı tolıq ötegender üşin jaza besten birge azaytıladı.

Degenmen, memlekettik qwpiyalardı jariya etu, sıbaylas jemqorlıq siyaqtı memleket qauipsizdigine qater töndiretin isterge raqımşılıq qoldanılmaydı.

Qazirgi tañda Qazaqstanda:
 • 40 mıñnan astam adam qamauda otır;
 • Onıñ 33 mıñı – sot ükimimen jazalanğandar;
 • 7 mıñı – tergeu qamauında;
 • 27 mıñnan astam adam probaciya qızmetiniñ esebinde twr.

Aldın ala esep boyınşa, 6 000 sottalğan jäne 9 000 probaciyada twrğan azamat raqımşılıqqa iligedi. Olardıñ işinde 4 100-i tolıq bosatılsa, 11 000-ğa juıq adamnıñ jaza merzimi qısqartıladı.

Zañ jobası 833 äyelge de qatıstı boladı:
 • 109 äyel tolıq bosatıladı,
 • 724-iniñ jaza merzimi qısqartıladı.

Sonımen qatar, 629 äleumettik osal azamattıñ 57-si bostandıqqa şığadı, 572-si jaza jeñildigin aladı.