Qazaqstanda qay mamandıq ieleri eñ joğarı jalaqı talap etedi? Eñbek jäne halıqtı äleumettik qorğau ministrligi bwl swraqqa naqtı jauap berip, Enbek.kz elektrondıq eñbek birjasındağı jaña derektermen bölisti, dep habarlaydı Shalqar.kz.

2025 jıldıñ mamırında birjada 86 mıñ bos jwmıs ornı men 110 mıñ tüyindeme jariyalanğan. Aytarlıqtay özgeris te bar — ötken aymen salıstırğanda bos jwmıs orındarınıñ sanı 11,8%-ğa, al tüyindemeler sanı 4,3%-ğa qısqarğan.

Eñ ülken swranıs üş salada bayqaldı:
 • Bilim beru — 15 mıñnan astam bos jwmıs ornı;
 • Qızmet körsetu salası — 10,7 mıñ orın;
 • Qwrılıs — 8,5 mıñ jwmıs ornı.

Mamandarğa degen swranıs iri qalalar men agroönerkäsiptik öñirlerde erekşe bayqaladı. Ortaşa bilikti qızmetkerler tapşı — swranıs wsınıstan 16 payızğa joğarı. Al joğarı bilikti lauazımdarğa ümitkerler sanı kerisinşe — artıq. Bwl öz salasında üzdik maman boluğa degen bäsekelestiktiñ küşeygenin körsetedi.

Jwmıs izdeuşilerdiñ portreti qanday?
– 34 jasqa deyingi jastar eñ belsendi — barlıq tüyindemeniñ 44%-ı osı sanatqa tiesili (48,6 mıñ);
– Olardı orta jastağılar (37%) men zeynetaldı jastağılar (19%) qualaydı;
– Jınıs boyınşa bölsek: 52,8% — äyelder, 47,2% — erler.

Joğarı jalaqı swraytın mamandıqtar naqtı atalğan joq, alayda 2,3 mln teñgege deyingi talaptar tirkelgen. Bwl – eñbek narığında qanday da bir bağıttar boyınşa ülken özgeristerdiñ bar ekenin añğartadı.