جاڭا داۋىردىڭ شىنايى باستاۋى! 2025 جىلدىڭ ۇشىنشى توقسانىندا يلون ماسكتىڭ اتىمەن تانىمال Starlink ينتەرنەتى قازاقستان ازاماتتارى ۇشىن زاڭدى تۇردە قولجەتىمدى بولادى, دەپ حابارلايدى Shalqar.kz قر تسيفرلىق دامۋ, يننوۆاتسييالار جانە اەروعارىش ونەركاسىبى مينيسترلىگىنە سىلتەمە جاساپ.

مينيسترلىك پەن SpaceX-تىڭ ەنشىلەس كومپانيياسى — Starlink اراسىندا سپۋتنيكتىك ينتەرنەتتى رەسمي تۇردە ىسكە قوسۋ جونىندە كەلىسىمگە قول قويىلعان. بۇل كەلىسىم شالعاي جانە بايلانىس قيىن اۋدانداردى ساپالى ينتەرنەتپەن قامتاماسىز ەتۋدىڭ تىڭ جولى بولماق.

“بۇعان دەيىن Starlink تەك مەكتەپتەردە پيلوتتىق رەجيمدە جۇمىس ىستەگەن. ەندى حالىق ۇشىن دە زاڭدى تۇردە قولجەتىمدى بولادى”, — دەلىنگەن مينيسترلىك مالىمدەمەسىندە.

جوبانىڭ تولىق ىسكە قوسىلۋى ۇشىن Starlink تەرمينالداردى ساتۋ جانە تىركەۋ جۇمىستارىن باستايدى. ارنايى قۇرىلعىلار ارقىلى پايدالانۋشىلار جوعارى جىلدامدىقتى ينتەرنەتكە تىكەلەي قوسىلا الادى.

نازار اۋدارىڭىز! بۇعان دەيىن Starlink-تى زاڭسىز پايدالانعاندارعا ايىپپۇل سالىناتىنى ەسكەرتىلگەن بولاتىن. ەندى جاڭا كەلىسىم اياسىندا كومپانييا قازاقستان زاڭنامالارىنا تولىق سايكەس جۇمىس ىستەمەك.

ايىپپۇل مولشەرى قانداي بولعان?
 • جەكە تۇلعالارعا – 5 اەك (شامامەن 19 660 تەڭگە);
 • جەكە كاسىپكەرلەرگە جانە شاعىن بيزنەسكە – 20 اەك (78 640 تەڭگە);
 • ورتا جانە ىرى بيزنەسكە – 40-80 اەك (157 280 – 314 560 تەڭگە).

مينيستر جاسلان ماديەۆتىڭ ايتۋىنشا, جىل سوڭىنا دەيىن بارلىق تەحنيكالىق جانە قۇقىقتىق جۇمىستار اياقتالىپ, ازاماتتار رەسمي تۇردە Starlink-كە قوسىلا الادى.