Jaña däuirdiñ şınayı bastauı! 2025 jıldıñ üşinşi toqsanında Ilon Masktıñ atımen tanımal Starlink interneti Qazaqstan azamattarı üşin zañdı türde qoljetimdi boladı, dep habarlaydı Shalqar.kz QR Cifrlıq damu, innovaciyalar jäne aeroğarış önerkäsibi ministrligine silteme jasap.

Ministrlik pen SpaceX-tiñ enşiles kompaniyası — Starlink arasında sputniktik internetti resmi türde iske qosu jöninde kelisimge qol qoyılğan. Bwl kelisim şalğay jäne baylanıs qiın audandardı sapalı internetpen qamtamasız etudiñ tıñ jolı bolmaq.

“Bwğan deyin Starlink tek mektepterde pilottıq rejimde jwmıs istegen. Endi halıq üşin de zañdı türde qoljetimdi boladı”, — delingen ministrlik mälimdemesinde.

Jobanıñ tolıq iske qosıluı üşin Starlink terminaldardı satu jäne tirkeu jwmıstarın bastaydı. Arnayı qwrılğılar arqılı paydalanuşılar joğarı jıldamdıqtı internetke tikeley qosıla aladı.

Nazar audarıñız! Bwğan deyin Starlink-ti zañsız paydalanğandarğa ayıppwl salınatını eskertilgen bolatın. Endi jaña kelisim ayasında kompaniya Qazaqstan zañnamalarına tolıq säykes jwmıs istemek.

Ayıppwl mölşeri qanday bolğan?
 • Jeke twlğalarğa – 5 AEK (şamamen 19 660 teñge);
 • Jeke käsipkerlerge jäne şağın bizneske – 20 AEK (78 640 teñge);
 • Orta jäne iri bizneske – 40-80 AEK (157 280 – 314 560 teñge).

Ministr Jaslan Madievtiñ aytuınşa, jıl soñına deyin barlıq tehnikalıq jäne qwqıqtıq jwmıstar ayaqtalıp, azamattar resmi türde Starlink-ke qosıla aladı.