Қазақстан мен Қытай арасындағы дипломатиялық қарым-қатынас тағы бір ерекше қадаммен нығая түсті. Мемлекет басшысы Қасым-Жомарт Тоқаев Қытай үкіметіне 1500 ақбөкен (киік) тарту туралы шешім қабылдады. Бұл – тек символикалық сый емес, сонымен қатар экожүйені қалпына келтіруге бағытталған экологиялық ынтымақтастық үлгісі, деп хабарлайды Shalqar.kz.

Ақорданың хабарлауынша, ақбөкендер Қытайдың батыс өңірінде жерсіндіріліп, ондағы жойылып бара жатқан популяцияны қалпына келтіру мақсатында пайдаланылады.

Қасым-Жомарт Тоқаев: 1500 киік Қытайға экожүйені сақтау үшін жіберіледі
Си Цзиньпин: Ақбөкен санын арттыру үшін арнайы бағдарламалар іске қосылады

Бұл шешім ҚХР төрағасы Си Цзиньпиннің 16 маусымда Астанаға жасаған мемлекеттік сапары аясында жарияланды. Екі ел басшыларының келіссөздері нәтижесінде 24 үкіметаралық және ведомствоаралық келісімге қол қойылған.

Бұл – Қазақстанның биоәртүрлілікті сақтау бағытындағы халықаралық ынтымақтастыққа қосқан маңызды үлесі.