تاياۋ شىعىستاعى احۋالدىڭ ۋشىعۋىنا بايلانىستى قازاقستان وز ازاماتتارىن قاۋىپسىز جەرگە كوشىرۋدى شۇعىل قولعا الدى. سىرتقى ىستەر مينيسترلىگىنىڭ مالىمەتىنشە, يران اۋماعىنان 109 وتانداسىمىز ەلگە امان-ەسەن جەتكىزىلدى, دەپ حابارلايدى Shalqar.kz.

ەۆاكۋاتسييا ارنايى ۇيىمداستىرىلعان مارشرۋت بويىنشا وتتى. 89 ازامات تۇرىكمەنستان ارقىلى, ال 20 ادام ازەربايجان ارقىلى ەلگە ورالعان. بارلىعىنا كونسۋلدىق-قۇقىقتىق كومەك كورسەتىلىپ, قاۋىپسىز قايتۋىنا جاعداي جاسالعان.

“بۇل — ۇيلەسىمدى ۆەدومستۆوارالىق جۇمىس پەن شەتەلدەگى ديپلوماتييالىق وكىلدىكتەرىمىزدىڭ ەرەن ەڭبەگىنىڭ ناتيجەسى”, – دەلىنگەن مينيسترلىك حابارلاماسىندا.

قازاقستان يران, تۇرىكمەنستان جانە ازەربايجان بيلىگىنە كورسەتكەن قولداۋى ۇشىن العىسىن بىلدىردى.

مينيسترلىكتىڭ مالىمەتىنشە, قىسقا ۋاقىت ىشىندە 200-دەن استام ازامات بايلانىسقا شىققان. ولاردىڭ بارلىعىنا كومەك كورسەتىلىپ, ناقتى ترانزيتتىك باعىتتار بويىنشا جۇرۋى ۇيىمداستىرىلعان.

قازىرگى تاڭدا قر سىرتقى ىستەر مينيسترلىگى باسقا دا قۇزىرلى ورگاندارمەن بىرگە يزرايلьدەگى قازاقستاندىقتاردى ەۆاكۋاتسييالاۋ بويىنشا جۇمىس جۇرگىزىپ جاتىر.

“شەتەلدەگى ازاماتتارىمىزدىڭ قاۋىپسىزدىگى مەن قۇقىقتارىن قورعاۋ – قازاقستاننىڭ سىرتقى ساياساتىنىڭ باستى باسىمدىقتارىنىڭ بىرى”, – دەپ مالىمدەدى ۆەدومستۆو.