Tayau Şığıstağı ahualdıñ uşığuına baylanıstı Qazaqstan öz azamattarın qauipsiz jerge köşirudi şwğıl qolğa aldı. Sırtqı ister ministrliginiñ mälimetinşe, Iran aumağınan 109 otandasımız elge aman-esen jetkizildi, dep habarlaydı Shalqar.kz.

Evakuaciya arnayı wyımdastırılğan marşrut boyınşa ötti. 89 azamat Türikmenstan arqılı, al 20 adam Äzerbayjan arqılı elge oralğan. Barlığına konsuldıq-qwqıqtıq kömek körsetilip, qauipsiz qaytuına jağday jasalğan.

“Bwl — üylesimdi vedomstvoaralıq jwmıs pen şeteldegi diplomatiyalıq ökildikterimizdiñ eren eñbeginiñ nätijesi”, – delingen ministrlik habarlamasında.

Qazaqstan Iran, Türikmenstan jäne Äzerbayjan biligine körsetken qoldauı üşin alğısın bildirdi.

Ministrliktiñ mälimetinşe, qısqa uaqıt işinde 200-den astam azamat baylanısqa şıqqan. Olardıñ barlığına kömek körsetilip, naqtı tranzittik bağıttar boyınşa jürui wyımdastırılğan.

Qazirgi tañda QR Sırtqı ister ministrligi basqa da qwzırlı organdarmen birge Izrail'degi qazaqstandıqtardı evakuaciyalau boyınşa jwmıs jürgizip jatır.

“Şeteldegi azamattarımızdıñ qauipsizdigi men qwqıqtarın qorğau – Qazaqstannıñ sırtqı sayasatınıñ bastı basımdıqtarınıñ biri”, – dep mälimdedi vedomstvo.