Jazdıñ aptabında demalıs künderin Burabayda ötkizgisi keletin jolauşılarğa jaqsı jañalıq! Şilde ayınıñ basında «Astana – Burabay kurortı» bağıtı boyınşa jaña, zamanaui elektr poyızı qatınay bastaydı, dep habarlaydı Shalqar.kz.

«Qazaqstan temir jolı» wlttıq kompaniyasınıñ mälimetinşe, bwl joba jıljımalı qwramdı jañartu bağdarlaması ayasında jüzege asıp otır. Jaña poyız – jay ğana kölik emes, jolauşınıñ jaylılığı men qauipsizdigine basa män bergen jaña buın qwram.

Ne erekşe?
 • Poyız altı vagonnan twradı, 374 jolauşığa arnalğan.
 • Birinşi, ekinşi jäne üşinşi klastı nwsqaları bar.
 • Är klasta biodärethanalar ornatılğan, onıñ işinde mümkindigi şekteuli jandarğa arnalğan arnayı kabinalar da qarastırılğan.
 • Platformalıq kötergişter jäne avtomattı ayaq tirekteri – egde jastağılar men balalarmen jürgen otbasılarğa ıñğaylı.
 • Barlıq orındarda USB qosqıştarı bar – qwrılğılardı quattau üşin.
 • Salonda salqın susındar men jeñil tağamdar wsınıladı.

Qazirgi uaqıtta qwram barlıq tehnikalıq sınaqtardan ötip, Keden odağı reglamentterine say qwjattarın räsimdep jatır. Jaqın künderi jaña poyız tolıq iske qosıladı.

Ayta keteyik, bwğan deyin osığan wqsas Comfort+ formatındağı poyız Astana – Qarağandı bağıtı boyınşa iske qosılğan bolatın. Ol 576 jolauşığa arnalğan edi.