قازاقستان جوعارى بىلىم بەرۋ سالاسىندا تاعى بىر تاريحي كەزەڭگە قادام باستى: ەلىمىزدىڭ ۇش جوعارى وقۋ ورنى العاش رەت بەدەلدى QS World University Rankings 2026 رەيتينگىنە ەندى. بۇل تەك ۇلتتىق ەمەس, حالىقارالىق دەڭگەيدەگى ۇلكەن جەتىستىك, دەپ حابارلايدى Shalqar.kz.

عىلىم جانە جوعارى بىلىم مينيسترلىگىنىڭ حابارلاۋىنشا, بيىل قازاقستاننان QS رەيتينگىنە 20 ۋنيۆەرسيتەت ەنگەن. ولاردىڭ ىشىندە ش.ەسەنوۆ اتىنداعى كاسپيي تەحنولوگييالار جانە ينجينيرينگ ۋنيۆەرسيتەتى, م.قوزىباەۆ اتىنداعى سولتۇستىك قازاقستان ۋنيۆەرسيتەتى جانە شاكارىم ۋنيۆەرسيتەتى – العاش رەت تىزىمدە.

بۇل – وڭىرلىك ۋنيۆەرسيتەتتەردىڭ دە الەمدىك بىلىم ارەناسىنا شىعا الاتىنىن دالەلدەيدى.

سونىمەن قاتار, ل.ن. گۋميلەۆ اتىنداعى ەۋرازييا ۇلتتىق ۋنيۆەرسيتەتى العاش رەت جۇمىس بەرۋشىلەر اراسىنداعى بەدەل كورسەتكىشى بويىنشا الەمنىڭ ۇزدىك 100 ۋنيۆەرسيتەتىنىڭ قاتارىنا ەنگەن.

ال-فارابي اتىنداعى قازاق ۇلتتىق ۋنيۆەرسيتەتى مەن تاعى 5 جوو – وقىتۋشىلار مەن ستۋدەنتتەر اراقاتىناسى بويىنشا توپ-100 ىشىندە.

تاعى بىر قۋانىشتى جاڭالىق: Abai University 628-ورىنعا كوتەرىلىپ, وتكەن جىلمەن سالىستىرعاندا بىردەن 43 ساتىعا جوعارىلاعان.

حالىقارالىق ساراپشىلاردىڭ ايتۋىنشا, قازاقستان ۋنيۆەرسيتەتتەرى عىلىمي-زەرتتەۋ بەلسەندىلىگى, حالىقارالىق بايلانىس جانە تۇلەكتەردىڭ مانساپتىق كەلەشەگى سىندى ماڭىزدى باعىتتار بويىنشا ۇنەمى العا جىلجىپ كەلەدى.

QS ۆيتسە-پرەزيدەنتى بەن ساۋتەر:

«قازاقستان ۋنيۆەرسيتەتتەرى كوپتەگەن كورسەتكىش بويىنشا وڭ سەرپىن كورسەتىپ وتىر. ولار جاھاندىق دەڭگەيگە شىعۋعا دايىن ەكەنىن دالەلدەۋدە».

بۇگىندە قازاقستان ازييا ەلدەرى اراسىندا QS رەيتينگىنە ەنگەن ۋنيۆەرسيتەتتەر سانى بويىنشا 10-ورىندا تۇر. كوشباسشىلار تىزىمىندە – قىتاي (72), ۇندىستان (54) جانە جاپونييا (47).