Qazaqstan joğarı bilim beru salasında tağı bir tarihi kezeñge qadam bastı: elimizdiñ üş joğarı oqu ornı alğaş ret bedeldi QS World University Rankings 2026 reytingine endi. Bwl tek wlttıq emes, halıqaralıq deñgeydegi ülken jetistik, dep habarlaydı Shalqar.kz.

Ğılım jäne joğarı bilim ministrliginiñ habarlauınşa, biıl Qazaqstannan QS reytingine 20 universitet engen. Olardıñ işinde Ş.Esenov atındağı Kaspiy tehnologiyalar jäne injiniring universiteti, M.Qozıbaev atındağı Soltüstik Qazaqstan universiteti jäne Şäkärim universiteti – alğaş ret tizimde.

Bwl – öñirlik universitetterdiñ de älemdik bilim arenasına şığa alatının däleldeydi.

Sonımen qatar, L.N. Gumilev atındağı Euraziya wlttıq universiteti alğaş ret jwmıs beruşiler arasındağı bedel körsetkişi boyınşa älemniñ üzdik 100 universitetiniñ qatarına engen.

äl-Farabi atındağı Qazaq wlttıq universiteti men tağı 5 JOO – oqıtuşılar men studentter araqatınası boyınşa top-100 işinde.

Tağı bir quanıştı jañalıq: Abai University 628-orınğa köterilip, ötken jılmen salıstırğanda birden 43 satığa joğarılağan.

Halıqaralıq sarapşılardıñ aytuınşa, Qazaqstan universitetteri ğılımi-zertteu belsendiligi, halıqaralıq baylanıs jäne tülekterdiñ mansaptıq keleşegi sındı mañızdı bağıttar boyınşa ünemi alğa jıljıp keledi.

QS vice-prezidenti Ben Sauter:

«Qazaqstan universitetteri köptegen körsetkiş boyınşa oñ serpin körsetip otır. Olar jahandıq deñgeyge şığuğa dayın ekenin däleldeude».

Büginde Qazaqstan Aziya elderi arasında QS reytingine engen universitetter sanı boyınşa 10-orında twr. Köşbasşılar tiziminde – Qıtay (72), Ündistan (54) jäne Japoniya (47).