قازاقستاندا 1 ماۋسىم – «بالالاردى قورعاۋ كۇنى» مەملەكەتتىك مەرەكە رەتىندە رەسمي تۇردە بەكىتىلۋى مۇمكىن. بۇل جاڭالىق كوپتەگەن اتا-انالار مەن پەداگوگتار اراسىندا قۋانىشپەن قابىلداندى. سەبەبى بۇل كۇن – جاي عانا بالالاردىڭ مەرەكەسى ەمەس, ولاردىڭ قاۋىپسىزدىگى مەن باقىتتى بالالىق شاعىن قورعاۋعا ارنالعان ماڭىزدى كۇن, دەپ حابارلايدى Shalqar.kz.

ەڭبەك جانە حالىقتى الەۋمەتتىك قورعاۋ مينيسترى سۆەتلانا جاقىپوۆا بۇل ۇسىنىسقا وڭ كوزقاراس بىلدىرىپ, ماجىلىس دەپۋتاتتارىنىڭ ساۋالىنا جاۋاپ بەردى.

«ەلىمىزدە وتباسى ينستيتۋتى مەن وتباسىلىق قۇندىلىقتاردى نىعايتۋ ماقساتىندا 1 ماۋسىم – "بالالاردى قورعاۋ كۇنىن" مەملەكەتتىك مەرەكە رەتىندە بەلگىلەۋدى مۇمكىن دەپ سانايمىز.», – دەدى مينيستر.

بالالار ۇشىن بۇل كۇن – تەك دەمالىستىڭ باستاۋى ەمەس. بۇل – شەكسىز شاتتىق, ەركىندىك پەن كوڭىلدى ساتتەردىڭ سيمۆولى. اتا-انالار بۇل كۇنى بالالارىن ساياباققا, ويىن ورتالىقتارىنا اپارىپ, وتباسىلىق جىلۋلىقتى سەزىندىرۋگە تىرىسادى. مۇنداي ورتا – بالا ۇشىن قاۋىپسىزدىك پەن ماحابباتتى سەزىنەتىن ەرەكشە اتموسفەرا.

مينيسترلىك بۇل كۇندى رەسمي مەرەكە رەتىندە بەكىتۋدى وتباسىلىق قۇندىلىقتاردى دارىپتەۋ مەن قوعامداعى بالاعا دەگەن جاۋاپكەرشىلىكتى ارتتىرۋدىڭ بىر جولى دەپ باعالايدى.

ەگەر بۇل باستاما جۇزەگە اسسا, قازاقستاندا بالالاردى قورعاۋ كۇنى العاش رەت مەملەكەتتىك دەڭگەيدە اتالىپ وتىلۋى مۇمكىن.