Qazaqstanda 1 mausım – «Balalardı qorğau küni» memlekettik mereke retinde resmi türde bekitilui mümkin. Bwl jañalıq köptegen ata-analar men pedagogtar arasında quanışpen qabıldandı. Sebebi bwl kün – jay ğana balalardıñ merekesi emes, olardıñ qauipsizdigi men baqıttı balalıq şağın qorğauğa arnalğan mañızdı kün, dep habarlaydı Shalqar.kz.

Eñbek jäne halıqtı äleumettik qorğau ministri Svetlana Jaqıpova bwl wsınısqa oñ közqaras bildirip, Mäjilis deputattarınıñ saualına jauap berdi.

«Elimizde otbası institutı men otbasılıq qwndılıqtardı nığaytu maqsatında 1 mausım – "Balalardı qorğau künin" memlekettik mereke retinde belgileudi mümkin dep sanaymız.», – dedi ministr.

Balalar üşin bwl kün – tek demalıstıñ bastauı emes. Bwl – şeksiz şattıq, erkindik pen köñildi sätterdiñ simvolı. Ata-analar bwl küni balaların sayabaqqa, oyın ortalıqtarına aparıp, otbasılıq jılulıqtı sezindiruge tırısadı. Mwnday orta – bala üşin qauipsizdik pen mahabbattı sezinetin erekşe atmosfera.

Ministrlik bwl kündi resmi mereke retinde bekitudi otbasılıq qwndılıqtardı däripteu men qoğamdağı balağa degen jauapkerşilikti arttırudıñ bir jolı dep bağalaydı.

Eger bwl bastama jüzege assa, Qazaqstanda balalardı qorğau küni alğaş ret memlekettik deñgeyde atalıp ötilui mümkin.