Маңғыстау облысының шекара маңындағы Қарақия ауданында тұрғындар дронға ұқсас жұмбақ құрылғыны байқап, құзырлы органдарға хабар берген. Күдік тудырған зат Болашақ теміржол станциясының маңында, елді мекеннен қашық, адам аяғы баспайтын жерде табылған, деп хабарлайды Shalqar.kz.

Облыстық полиция департаментінің мәліметінше, оқиға орнына арнайы қызмет өкілдері жіберіліп, тексеріс басталып кеткен.

«Қазір дрон тәрізді заттың нақты не екені және қайдан келгені анықталып жатыр. Зардап шеккендер жоқ, ешқандай материалдық шығын тіркелмеді», – делінген ресми хабарламада.

Бұл оқиға жергілікті халықтың алаңдаушылығын тудырды. Беймәлім құрылғының пайда болуы шекаралық қауіпсіздікке қатысты сұрақтар тудырып отыр.