ماڭعىستاۋ وبلىسىنىڭ شەكارا ماڭىنداعى قاراقييا اۋدانىندا تۇرعىندار درونعا ۇقساس جۇمباق قۇرىلعىنى بايقاپ, قۇزىرلى ورگاندارعا حابار بەرگەن. كۇدىك تۋدىرعان زات بولاشاق تەمىرجول ستانتسيياسىنىڭ ماڭىندا, ەلدى مەكەننەن قاشىق, ادام اياعى باسپايتىن جەردە تابىلعان, دەپ حابارلايدى Shalqar.kz.

وبلىستىق پوليتسييا دەپارتامەنتىنىڭ مالىمەتىنشە, وقيعا ورنىنا ارنايى قىزمەت وكىلدەرى جىبەرىلىپ, تەكسەرىس باستالىپ كەتكەن.

«قازىر درون تارىزدى زاتتىڭ ناقتى نە ەكەنى جانە قايدان كەلگەنى انىقتالىپ جاتىر. زارداپ شەككەندەر جوق, ەشقانداي ماتەريالدىق شىعىن تىركەلمەدى», – دەلىنگەن رەسمي حابارلامادا.

بۇل وقيعا جەرگىلىكتى حالىقتىڭ الاڭداۋشىلىعىن تۋدىردى. بەيمالىم قۇرىلعىنىڭ پايدا بولۋى شەكارالىق قاۋىپسىزدىككە قاتىستى سۇراقتار تۋدىرىپ وتىر.