Mañğıstau oblısınıñ şekara mañındağı Qaraqiya audanında twrğındar dronğa wqsas jwmbaq qwrılğını bayqap, qwzırlı organdarğa habar bergen. Küdik tudırğan zat Bolaşaq temirjol stanciyasınıñ mañında, eldi mekennen qaşıq, adam ayağı baspaytın jerde tabılğan, dep habarlaydı Shalqar.kz.

Oblıstıq policiya departamentiniñ mälimetinşe, oqiğa ornına arnayı qızmet ökilderi jiberilip, tekseris bastalıp ketken.

«Qazir dron tärizdi zattıñ naqtı ne ekeni jäne qaydan kelgeni anıqtalıp jatır. Zardap şekkender joq, eşqanday materialdıq şığın tirkelmedi», – delingen resmi habarlamada.

Bwl oqiğa jergilikti halıqtıñ alañdauşılığın tudırdı. Beymälim qwrılğınıñ payda boluı şekaralıq qauipsizdikke qatıstı swraqtar tudırıp otır.