پاۆلودار وبلىسىندا بولعان الاپات داۋىلدان كەيىن ۇش قالا مەن ەكى اۋداندا توتەنشە جاعداي رەجيمى ەنگىزىلۋى مۇمكىن, دەپ حابارلايدى Shalqar.kz.

Qazaqstan تەلەارناسىنىڭ مالىمەتىنشە, داۋىلدىڭ ەكپىنى سەكۋندىنا 43 مەترگە دەيىن جەتىپ, ايماققا ەلەۋلى زالال كەلتىرگەن. قازىرگى ەسەپ بويىنشا, 297 نىسان بۇلىنگەن. اپات سالدارىنان 18 ادام تۇرلى جاراقات العان, وكىنىشكە قاراي, بىر ادام كوز جۇمدى.

ەنەرگييا جۇيەلەرى دە ۇلكەن شىعىنعا ۇشىرادى. باياناۋىل مەن اقسۋ قالالارىندا ەلەكتر قۋاتى الى تولىق قالپىنا كەلتىرىلمەگەن. قازىرگى ۋاقىتتا:
 • اقسۋ قالاسىنىڭ ماڭىندا شامامەن 5 مىڭ ابونەنت جارىقسىز وتىر;
 • قۇلاكول اۋىلىندا – 45 ابونەنت;
 • سۇلۋجون مەن مايكوبە ەلدىمەكەندەرىندە – 115 ابونەنت جارىققا قول جەتكىزە الماي وتىر.

اپات سالدارىن جويۋ جۇمىستارى بەلسەندى تۇردە جالعاسۋدا. جەرگىلىكتى بيلىك تۇرعىندارعا قولداۋ كورسەتىپ جاتىر. توتەنشە جاعداي جارييالاۋ ماسەلەسى قازىر قارالىپ جاتىر.