2027 jılğa deyin Qazaqstandağı barlıq auıldıq eldi mekender keñ jolaqtı internetpen qamtamasız etiledi. Bwl turalı Senatta ötken jiında Cifrlıq damu, innovaciyalar jäne aeroğarış önerkäsibi vice-ministri Dosjan Mwsaliev mälimdedi, dep habarlaydı Shalqar.kz.

Qazirgi tañda el aumağında 6 mıñnan astam auıl bar. Sonıñ işinde 4850 auıl ğana internetke qosılğan. Al 1049 eldi meken äli künge deyin baylanıs ayasınan tıs jatır. Bwl auıldarda şamamen 200 mıñğa juıq adam twradı.

Osı mäseleni şeşu maqsatında “Qoljetimdi internet” jobası qolğa alınğan. Jospar boyınşa joba 2027 jılğa deyin tolıq jüzege asadı. Nätijesinde auıl twrğındarı qarapayım anıqtama alu üşin qalağa sabılmay-aq, memlekettik qızmetterdi onlayn türde qoldana aladı.

“Qazirdiñ özinde keybir auıldarda 3G bar bolğanımen, internet jıldamdığı öte tömen. Joba osını da şeşudi közdeydi. Sonımen qatar respublikalıq joldardıñ boyındağı mobil'di baylanıstı jaqsartu üşin keminde 387 baylanıs bağanası ornatıladı. Bwl bastamağa 120 milliard teñge köleminde investiciya tartılmaq”, – dedi Dosjan Mwsaliev.