Астана маңындағы Жоламан әуеайлағы маңында жеңіл моторлы ұшақ апатқа ұшырады. Қайғылы оқиға 22 маусым күні шамамен сағат 11:30-да орын алған, деп хабарлайды Shalqar.kz.

TL-2000 маркалы ұшақ оқу-жаттығу рейсін орындап жатқан. Ұшақтың жекеменшік тұлғаға тиесілі екені белгілі болды. Алдын ала деректерге сәйкес, бортта болған екі экипаж мүшесі де оқиға орнында көз жұмды.

Қазір апат орнына Көлік министрлігіне қарасты көліктегі оқиғалар мен инциденттерді тергеу департаментінің мамандары аттанды. Арнайы комиссия құрылып, апаттың нақты себептері анықталатын болады.